Adam óltirýge oqtalǵan kúdikti Grýzıadan Qazaqstanǵa ekstradısıalandy. Bul týraly 2024 jylǵy 15 shildede Bas prokýratýra málimdedi, dep habarlaıdy almaty-akshamy.kz.
Vedomstvo aqparatynsha, buryn qaraqshylyq jasaǵany úshin sottalǵan kúdikti 2022 jyly tamyzda Temirtaý qalasynda jábirlenýshige pyshaqpen dene jaraqattaryn keltirgen.
Qylmys jasaǵannan keıin kúdikti tergeýden jaltaryp, halyqaralyq izdeýge jarıalanǵan.
"2023 jylǵy qazanda ol Grýzıada ustaldy.Bas prokýratýranyń suraýy boıynsha Grýzıa tarapy ony Qazaqstanǵa ekstradısıalaý týraly sheshim qabyldady. Qazir ol Astana qalasyndaǵy tergeý ızolátoryna qamaldy",- delingen vedomstvo aqparatynda.
Aıyptalǵan qylmysty jasaǵany úshin 8 jyldan 15 jylǵa deıingi merzimge bas bostandyǵynan aıyrý jazasy qarastyrylǵan.