Qazaqstannyń birinshi, álemniń 39-raketkasy Aleksandr Býblık Istborn (Ulybrıtanıa) ATP 250 týrnıriniń shırek fınalyna ótti, dep habarlaıdy Almaty-akshamy.kz Inform.kz-ke silteme jasap.
Qazaqstandyq tenısshi ekinshi aınalymda dúnıejúzilik reıtıńte 86-orynda turǵan aýstralıalyq Djon Mıllmanmen sheberlik baıqasty. A.Býblık birinshi partıada 6:4 esebimen basymdylyq kórsetti. Ekinshisinde qarqynyn údete tústi – 6:2. Bir saǵatqa sozylǵan mach barysynda Býblık 15 eıs jasap, 3 breık-poıntty túgeldeı paıdalandy. Qarsylasy eıspen de, breıkpen de kózge túse alǵan joq. A.Býblık jartylaı fınalǵa shyǵý úshin álemniń 14-inshi, osy jarystyń úshinshi raketkasy, amerıkalyq Teılor Frıspen talasady. T.Frıs ekinshi aınalymda Tágo Monteırony joldan taıdyrdy – 7:5, 6:3.
Taǵy bir qazaqstandyq Aleksandr Nedovesov juptyq synda pákstandyq Aısam Kýreshımen birge shırek fınalda nıderlandylyq Matve Mıddelkop – aýstralıalyq Lúk Sevılge ese jiberdi – 6:4, 4:6, 3:10. Sóıtip jartylaı fınalǵa shyǵa almaı qaldy.
Sondaı-aq Zarına Dıas bıylǵy jarystarǵa qatysa almaıtynyn málimdedi.