Jalpy ishki ister mınıstrliginde 11 paıyzǵa deıin qysqartý júrdi.
QR İİM ákimshilik polısıa komıteti tóraǵasynyń orynbasary Alekseı Mılúktyń málimdeýinshe, elimizdiń ishki ister organdarynda qyzmet atqarǵan 1,5 myń laýazymdy tulǵa qysqartýǵa ushyrady, dep habarlaıdy Almaty-akshamy.kz
«İshki ister mınıstrligi quqyq qorǵaý organdary qyzmetine qatysty aýqymdy reforma júrgizip jatyr. Maqsat – quqyq qorǵaý organdarynyń qyzmetin zaman talabyna saı etý, sonymen qatar quqyq qorǵaý organy ókilderine degen halyqtyń senimin arttyrý. Ol úshin Úkimet bekitken quqyq qorǵaý organdary qyzmetin jetildirýdiń jol kartasy bar. Oǵan sáıkes ishki ister salasynyń jumysyn jetildire túsý 9 baǵyt boıynsha júrip jatyr», - dedi Alekseı Mılúk.
Onyń aıtýynsha, ishki ister organdarynyń jumysyn ońtaılandyrý maqsatynda 120 is-shara ótkizý qarastyrylǵan.
«Joǵaryda aıtylǵan 9 baǵyttyń biri - ishki ister organdaryndaǵy shtattyq qurylymdy qaıta qaraý. Osy ýaqytqa deıin 1,5 myń laýazymdy tulǵa qysqartýǵa ushyrady. Jalpy, ishki ister mınıstrliginde 11 paıyzǵa deıin qysqartý júrdi. Ekinshi baǵyt - ishki ister organdary qyzmetkerleriniń áleýmettik márbesin kóterý. Olardyń jalaqysy sońǵy ret 2019 jyly kóterildi. Bıyl qańtardan keıin eńbekaqy kólemin taǵy arttyrý qolǵa alynyp jatyr. Sondaı-aq, sala mamandaryn turǵyn úımen qamtý máselesi de bar. Qazirgi tańda baspanaǵa muqtaj ishki organdary qyzmetkerleriniń 72 paıyzyna turǵyn úı tólemi berildi. Odan bólek, bıyldan bastap organ qyzmetkerleri jalǵa, ıpotekaǵa jáne basynda jalǵa alyp keıin satyp alý quqyǵy beriletin memlekettik turǵyn úı baǵdarlamalaryna qatysa alady», - deıdi ol.