Erlik pe, jumys pa? İshki ister mınıstri Erjan Sádenov Ortalyq komýnıkasıalar qyzmetiniń podkastynda Almaty áýejaıynda jáne Petropavlda kóshede bolǵan quqyq buzýshylardy qarýsyzdandyrý jaǵdaılaryna qatysty túsinikteme berdi, dep habarlaıdy aqshamnews.kz
İshki ister mınıstri Almaty áýejaıynda áıeldi kepilge alý boıynsha qylmystyq proses jalǵasyp jatqanyn atap ótti. Sondaı-aq polısıa qyzmetkerleriniń is-áreketterine qatysty tekserý júrgizilip jatyr.
«Jaryp jiberý jáne qarý qoldaný qaýpi bolǵanyn eskersek, ıaǵnı adamdar kóp jerde polısıa qyzmetkerleri durys áreket etti. Buǵan baǵa beremiz», – dedi Erjan Sádenov.
Al Petropavlda Ulttyq ulan qyzmetkeri kóshede tapanshamen turǵyndardy qorqytqan adamdy qarýsyzdandyrǵan jaǵdaıǵa toqtala kele, İİM basshysy mundaı erlik kún saıyn jasalatynyn aıtty.
«Polıseı bolý – bul qoǵam, halyq, memleket, Otan úshin erlik jasaý. Iaǵnı, qylmyskerdi qarýsyzdandyrý – bul jumys. Adamdar muny erlik dep sanaıtyn shyǵar, is júzinde bul jumys. Sondyqtan ant qabyldaǵan alǵashqy kúnnen bastap biz qyzmetkerlerimizge polısıa mısıasynyń mańyzdylyǵy týraly aıtamyz», – dedi Erjan Sádenov.
Esterińizge sala keteıik, Almaty áýejaıynda áıeldi kepilge alý faktisi boıynsha tergeý Qylmystyq kodekstiń úsh baby boıynsha júrip jatyr. Kúdikti qamaýǵa alynyp, tergeý oqshaýlaǵyshyna qamaldy.
Tolyq shyǵarylymǵa silteme: https://youtu.be/LPjytyehuis