İshki ister mınıstri Erjan Sádenov Ortalyq komýnıkasıalar qyzmetiniń podkastynda kıberqylmyspen kúresýdiń jańa ádisteri týraly aıtty, dep habarlaıdy aqshamnews.kz
Máseleniń aýqymyn kórsetkishterden túsinýge bolady: eger 2017-2018 jyldary jyl ishinde 5 myńǵa jýyq ınternet-alaıaqtyq tirkelse, 2020-2021 jyldary bul kórsetkish 20 myńǵa deıin artqan.
«2017 jyly quraldar kóp bolmaǵanyn aıta ketken jón. Byltyr Kıberqylmyspen kúres departamenti ashyldy. Buǵan deıin bul máselemen Krımınaldyq polısıa departamenti aınalysqan. Problemalar kóbeıip barady. Ókinishke oraı, qoǵamnyń, azamattarymyzdyń qarjylyq saýattylyǵy tómen. Senip qalady. Tez aqsha, tez paıda tapqysy keledi. Búginde quraldardyń bári bar. Bul máselemen İshki ister mınıstrligi ǵana emes, bank te aınalysady. Kóp zańnamaǵa ózgerister engizdik. Bankterde anti-fraud júıesi bar: kúmándi mámileler, nesıe rásimdeý sıaqty jaǵdaılar bolǵan kezde bankter muny ózderi toqtatyp, bizge málimet beredi. Prokýratýra, Qarjylyq monıtorıń agenttigi, UQK, Qarjy naryǵyn retteý jáne damytý agenttigi, bankter, búkil memlekettik organdar osy salada osyǵan jaýapty. Jumyla jumys istep jatyrmyz, jaqsy nátıjeler bar», - dedi İİM basshysy.
Álemdik tájirıbe de keńinen qoldanylyp, qabyldanyp jatyr.
«Endi qylmysty anyqtaý, ashý máselesi ǵana emes, oqytý, qoǵamǵa jetkizý máselesi de qaralady. Ony mektepterden bastaýymyz kerek. Akademıalarymyzda IT mamandardy daıyndaıtyn fakúltetter ashamyz. Buryn olar leıtenant, sportshy, zańdy biletin qarýly adam bolsa, endi sáıkesinshe, biliktilik talaptary boıynsha IT mamandar», – dedi Erjan Sádenov.
Qabyldanǵan sharalardyń nátıjesinde alaıaqtardyń 65 mln qońyraýy buǵattaldy, 2 mlrd teńgeden astam qarjyny alaıaqtarǵa aýdarýǵa jol berilmedi. Jyl basynan beri ınternet alaıaqtyq jasaǵany úshin 115 adam qylmystyq jaýapkershilikke tartyldy.
Tolyq shyǵarylymǵa silteme: https://youtu.be/LPjytyehuis