Forýmda ál-Farabıge arnalǵan derekti fılm kórsetildi.
Sondaı-aq ál-Farabı murasy men túrki halyqtarynyń rýhanı dástúrlerine arnalǵan kitap kórmesi men «Dástúrli túrki qundylyqtary» atty sýret kórmesi ótti, dep habarlaıdy Almaty-akshamy.kz
«ál-Farabı jáne túrki halyqtarynyń rýhanı dástúrleri» atty Halyqaralyq Farabı forýmynyń basty maqsaty – uly oıshyldyń shyǵarmashylyq murasyn qazirgi zaman turǵysynan túsinýge negizdelgen jalpy jáne kóptegen ǵylymı baǵyttar boıynsha ǵylymnyń damýyna tyń serpin berý. Forýmda jahandaný dáýirinde qajetti jańa ıntegrasıalyq dúnıetanym qalyptasý jolyndaǵy mádenıetter men halyqtardyń ózara birligine negizdelgen ál-Farabıdiń keshendi ıdeıalaryn jan-jaqty ǵylymı taldaý mindetteri alǵa qoıylǵan.
Halyqaralyq Farabı forýmynyń negizgi baǵyttary:
- ál-Farabı jáne túrki-ıslam órkenıetiniń fılosofıalyq negizderi.
- ál-Farabı ilimi jáne túrki-ıslam órkenıetindegi qoǵamdyq-saıası oılar.
- ál-Farabı jáne Farabıtaný ilimi: oıshyl murasyn zertteýdegi jańa baǵyttar.
Forým aıasynda mynadaı pikirtalas alańdary men baıqaýlar ótkizildi:
I Talqylaý alańy «Adam psıhıkasyn zertteýdiń zamanaýı ádisteri»
II Talqylaý alańy «Jańa Qazaqstan: ýnıversıtettiń «úshinshi mısıasyn» júzege asyrý tájirıbesi»
III Talqylaý alańy «Bilim berýdegi sıfrlyq transformasıa: tehnologıalar men perspektıvalar»
IV Talqylaý alańy «Mádenıetter dıalogy jáne konfesıaaralyq kelisim – memlekettik qaýipsizdiktiń negizi»
V Talqylaý alańy «Táýelsiz Qazaqstanda saıasattanýdyń qalyptasýy men damýy».
VI Talqylaý alańy «Kishi Farabı akademıasy»: «Qaıyrymdy qala konsepsıasy jáne zamanaýı qala mádenıeti»
VII Fılosofıalyq esse baıqaýy
VIII Beınerolıkter baıqaýy «Qazaq fılosofıasynyń ózektiligi»