Ońtústik Qytaı teńizine batyp ketti.
Gonkongtaǵy sý ústindegi áıgili Jumbo meıramhanasy Ońtústik Qytaı teńizine batyp ketti. Oqıǵa «júzetin saraıdy» 50 jyl turǵan ornynan qozǵaltqan soń oryn alǵan, dep habarlaıdy Almaty-akshamy.kz Baq.kz silteme jasap.
Meıramhana qyzmetkerleriniń aıtýynsha, Gonkongtyń kórneki oryndarynyń biri sanalatyn Jumbo Kingdom-nyń ornyn 50 jyl turǵan aılaqtan basqa jerge aýystyrǵan. Alaıda arada birneshe kún ótken soń oǵan sý kirip, batyp ketedi.
Kemedegi ekıpaj músheleriniń eshqaısysy zardap shekpegenimen, keme-meıramhanany qutqaryp qala almady.
Uzyndyǵy 80 metrge jetetin sý betindegi meıramhana jarty ǵasyrǵa jýyq ýaqyt boıy Gonkongtyń sánine aınaldy. 3 mln-nan astam kelýshilerge qyzmet kórsetken. Olardyń arasynda brıtanıalyq Elızaveta İİ patshaıym men akter Tom Krýz qonaq bolǵan.