İrikteýden bir demmen ótti.
Katar astanasy Dohada ótip jatqan sporttyq gımnastıkadan álem kýbogi kezeńinde qazaqstandyq Narıman Kýrbanov jeńiske jetti, dep habarlady Almaty-akshamy.kz Olympic.kz silteme jasap.
Narıman gımnastıkalyq at snarádynda synǵa túsip, álem úzdikteriniń aldyn orady. Ol fınaldaǵy jattyǵýy úshin tóreshilerden 15.200 upaı alǵan.
«Dohaǵa kelip, altyn almaı ketsem, ózimdi keshirmeıtin edim. Tek qana altyn alamyn degen maqsat bar mende. İrikteýden bir demmen ótip, fınalda ózimniń sońǵy úsh aıda daıyndaǵan jattyǵýymdy kórsetip shyqtym. Endi alda taǵy eki kezeń bar. Sol básekelerde ózimniń bar múmkindigimdi kórsetýge tyrysamyn»,- dedi sportshy basylymǵa bergen suhbatynda.
Kúmis medaldi ırlandıalyq Rıs MakKlenagan ıelense, qola júlde armenıalyq Arýtún Merdınánǵa buıyrdy.
Aıta ketsek, Narıman Kýrbanov Kotbýsta (Germanıa) ótken álem kýboginde fınalda óner kórsetken.