Senbiden jeksenbige qaraǵan túni fýtboldan UEFA Chempıondar lıgasynyń fınaly ótedi, dep habarlaıdy Almaty-akshamy.kz Inform.kz-ke silteme jasap.
Aqtyq kezeńde «Lıverpýl» (Anglıa) men «Real Madrıd» (Ispanıa) komandalary kezdesedi. Mach elorda ýaqytymen 00.40-ta bastalyp, «Qazsport» telearnasynan tikeleı efırde kórsetiledi. Oıyn Fransıanyń Sen-Denı qalasyndaǵy «Stad de Frans» stadıonynda ótkiziledi. Kezdesý barysynda fransıalyq Kleman Túrpen bas tóreshi qyzmetin atqarady. Oǵan otandastary Nıkolá Dano men Sırıl Grengor kómekshilik jasaıdy.
Qosalqy tóreshi de fransıalyq Benýa Basten. Eki komanda buǵan deıin 8 márte kezdesti. Onyń 3-i «Lıverpýl» klýbynyń basymdyǵymen aıaqtalsa, bireýinde teń nátıje tirkelip, qalǵanynda ıspanıalyq klýbtyń mereıi ústem boldy.
Komandalar osynyń aldynda byltyr Chempıondar lıgasy 1/4 fınalynda kezdesti. Bul joly «Real Madrıd» (0:0, 3:1) klýby jarysty jalǵastyrýǵa múmkindik aldy. Eki komanda quramynda fýtbolshylardan jaraqat alǵandar joq. Búgingi oıynǵa barlyǵy daıyn. «Lıverpýl» 6 márte Chempıondar lıgasy (Eýropa chempıondar kýbogy) kýbogyn tóbesine kótergen bolatyn.
Budan buryn 2019 jyly jeńimpaz atandy. Al «Real Madrıd» Chempıondar lıgasy (Eýropa chempıondar kýbogy) týrnırinde 13 márte jeńis tuǵyrynan kórindi. Budan buryn 2018 jyly úzdik shyqty. Osyǵan deıin «Aıntraht» Eýropa lıgasynyń jeńimpazy bolǵanyn, fýtboldan Konferensıa lıgasynyń jeńimpazy anyqtalǵanyn jazǵan bolatynbyz.