Esirtkisiz ómir ǵajaıyp!

Búginde adam pendesi ómirdiń talaı daýylymen, kún kózindeı shuǵylaly qýanysh ataýlyǵa bólenip ósetin «ómir aǵashy» ispettes sıaqty. Jer aǵash tamyryna qandaı ónim bergendigi, qalaı qunarlandyrǵany sıaqty, adam ómirinde osy jaǵdaıattarǵa kezigedi. Biz otbasymyzdy ata-anamyzben, baýyrlarymyzben, qorshaǵan orta, dostarymyzben syrlasamyz, birge kún keshemiz. Otbasylyq jaǵdaıattarymyz shyǵa qalsa, ishki taqyrybyn, mán-jaıyn túsinbeı teris aınalyp jatamyz. Bul – qazirgi jastarymyzdyń eń úlken qateligi. Syrttan jylýlyq izdeımiz. Osy jaǵdaıda kóbisi, teris arnalarǵa tap bolyp jatady. Sonyń ishinde kóp jastarymyz dúnıejúzi boıynsha tutynýǵa, taratýǵa ruqsat etilmegen, aty men zaty táýeldilikke dýshar etetin – esirtki qoldanysy. Adam óz ómirin rahatqa bóledim dep ýaqytsha lázzat kúıigine batyp júrgenin baıqamaı qalady. Táýeldiligi údeıe túskende aq pen qarany ajyratý turmaq, sharasyz hálge túsedi. Óz qolymen jasaǵan taǵdyr tylsymyna túsip, sharadaı basy shaqshadaı bolyp, ne istep (urlyq, kıkiljiń, sýısıd, t.b ) ne qoıǵanyn bilmeı álek bolary shyn.
Jazyp otyryp, elestetý óte qıyn. Bir táýeldilik zaty – esirtki, birshama ómir azabyn beretini bárimizge málim. Bul jaǵdaıattardyń bárin bilmesek te, telehabarlardan kórip denemiz titirkenedi. Adam balasy tek jaqsy isterge laıyqty. «Zamanyń túlki bolsa, tazy bolyp shal» demekshi, búgingi jastar, asyl dostarym jyltyraǵan arzan arbaýǵa aldanbańdar. Qazirgi tańda táýeldilik zaty esirtkini tutyný, taratý jaǵdaılary úziletin jip sekildi emes, tap bir jańbyr sekildi tolastamaı turǵany janǵa batady. Jas shybyq, jas urpaq izderi kórinbeıtin, is-áreketteri bilinbeıtin arzan aldaýdyń quryshynda júrgende, biz qalaı jaqsy ómir súrmekpiz. Búgingi kún, búgingi sátten bastap densaýlyq uranyn belsene qoldanyp, salaýatty ómir súrýge barsha dostarymdy shaqyramyn.
Qamshynyń sabyndaı ǵana qysqa ǵumyrda adamzat balasyna birigip jetemin dese jeńis te, birigip tatamyz dese bal tatyǵan jemisi de kóp. Tek qana maqsattaryń aıqyn bolsyn....