Mamandar synama jumystaryn júrgizip jatyr.
Esil oblysaralyq baseındik balyq sharýashylyǵy ınspeksıasynyń qyzmetkerleri balyq sharýashylyǵy sý aıdyndarynda monıtorıń júrgizý barysynda Esil ózeninde balyqtyń jappaı qyrylýyn toqtatý jáne aldaǵy ýaqytta ony boldyrmaý maqsatynda jumystar júrgizdi, dep habarlady Almaty-akshamy.kz Turkystan.kz cilteme jasap.
Osy oraıda muz astynda ólgen balyqtar jınalyp, zerthanalyq zertteýge joldandy. Qorytyndysy belgili bolǵan soń jarıalanady. Boljam boıynsha, balyqtyń qyrylýy muz astynda otteginiń jetispeýshiliginen bolýy múmkin.
«Atap aıtqanda, Aqmola oblysynyń Astrahan aýdanyna qarasty Novocherkasskoe aýyly mańyndaǵy Esil ózeninen 85 kelige jýyq ólgen balyq jınaldy. Qazir ASHM Veterınarlyq baqylaý jáne qadaǵalaý komıtetiniń Aqmola oblystyq aýmaqtyq ınspeksıasynyń ókilderimen birlese synama jumystary júrgizilip jatyr. Qalǵan balyq sanıtarlyq normalardy saqtaı otyryp, joıyldy»,- delingen habarlamada.
Qazir ózen sýyn májbúrli aerasıalaý úshin 2 motopompa ornatylǵan. Bul muz astyndaǵy sýdy ottegimen qamtamasyz etýge sep.
Eske sala ketsek, búginde Esil ózeni balyq sharýashylyǵy sý aıdyndarynyń rezervtik qoryna kiredi.
