Tıisti tekserýlerdi qalalyq sanıtarlyq-epıdemıologıalyq qyzmetter jalǵastyrady.
Erjan Babaqumarov mektepter men JOO jataqhanalarynda bolyp, epıdemıologıalyq qaýipsizdik sharalaryn kúsheıtýdi tapsyrdy, dep habarlaıdy Almaty-akshamy.kz.
Búgin Almaty qalasy ákiminiń orynbasary Erjan Babaqumarov aýmaqtyq sanıtarlyq-epıdemıologıalyq baqylaý departamentiniń basshysy, megapolıstiń bas sanıtarlyq dárigeri Jandarbek Bekshınmen birge №№ 177, 10 mektepterdiń jáne Q. I. Sátbaev atyndaǵy Qazaq ulttyq tehnıkalyq ýnıversıtettiń №№ 1,4 jataqhanalary úlgisinde oqý prosesin oflaın format aıasynda uıymdastyrýda qaýipsizdik sharalarynyń saqtalýyn tekserdi.
Basty mindet – bilim berý uıymdarynda koronavırýstyq ınfeksıanyń taralýyn boldyrmaý úshin sanıtarlyq-epıdemıologıalyq talaptardyń saqtalýyna qatań baqylaýdy qamtamasyz etý.
Jumys toby Ashyq jobasy aıasynda jumys istegende ótkizý rejıminiń saqtalýyn jáne qyzmetkerlerdiń vaksınalaný mártebesin, jumysqa jaramdy teplovızorlardyń bolýyn, dezınfeksıalaý rejıminiń saqtalýyn, maska rejımin jáne áleýmettik qashyqtyqtyń saqtalýyn tekserdi. Qalanyń bas sanıtarlyq dárigeri J. Bekshın oqýshylar men stdentterdi koronavırýstan qorǵaýdyń úsh jelili júıesiniń saqtalýy mańyzdy ekenine nazar aýdardy, olar: termometrlerdi, reserkýlátorlardy, sanıtaızerlerdi jáne jeke qorǵanys quraldaryn qoldaný.
Aıta keterligi, oqý jyly bastalǵanǵa deıin Almaty mektepterinde barlyq qajetti jaǵdaılar jasalyp, dezınfeksıalyq quraldar men maskalar qory jasaqtalyp, sabaq kestesi bilim alýshylardyń baılanysyn barynsha azaıtý maqsatynda quryldy.
№177 orta mekteptiń dırektory Tursyn Tańatov profılaktıkalyq sharalardyń mańyzdylyǵy týraly túsindirý jumystary turaqty túrde júrgizilip jatqanyn habarlady. Mektepte 2 192 oqýshy bar, onyń ishinde 144 bala ata-analardyń ótinishi boıynsha qashyqtan bilim alyp jatyr. Mektepte oqýshylardyń úzilis kezinde bir synyptan ekinshisine aýyspaýy úshin aýdıtorıalyq oqý rejımi bar. Úzilis kezinde, aýysymnyń ózgerýi kezinde jáne oqý kúniniń sońynda synyptar men bólmeler dymqyl tazartylady, aýamen dezınfeksıalanady jáne jeldetiledi, tutqalar, baspaldaqtar men tutqalar óńdeledi.
«Bizdiń oqýshylar mektepke temperatýrany ólshep, qoldaryn óńdegennen keıin kiredi, kire beriste dezınfeksıalaýshy týnel de ornatylǵan. Ár synypta muǵalim temperatýrany ólsheıdi, málimetter arnaıy jýrnalǵa jazylady. Kire beriste adamdar toptalmaıdy, óıtkeni úsh kireberis uıymdastyrylǵan», - dedi dırektor Tursyn Tanatov.
Stýdentter jataqhanasynda stýdentterdi ornalastyrýdy uıymdastyrý prosesi tekserildi. Jataqhana ǵımarattaryndaǵy kire beriste stýdentter Ashyq qosymshasyn qoldanady, ár qabattarda dezınfeksıalaýshy quraldar ornatylǵan. Jataqhanalarda epıdemıaǵa qarsy sharalar kesheni júrgiziledi, turǵyn jaılar únemi jeldetiledi, jataqhanalarda turatyndardyń baılanysy barynsha azaıtylǵan.
«Oqý jyly bastalǵanǵa deıin ýnıversıtet oqytýshylarynyń 73% vaksınalandy, qalǵandary medısınalyq qarama-qaıshylyǵy bar jáne dertten saýyqqandar. Búginde oqýshylardyń 49%-y vaksınalanǵan. 1-31 shilde aralyǵynda vaksınalanǵan jastar arasynda úlken syılyqtar oınatyldy. Startapty iske asyrý úshin 5 mıllıon teńge, jataqhanalarda aqysyz turý úshin 20 oryn, úzdik memlekettik jáne sheteldik uıymdarda taǵylymdamalar, 100 tegin «Qoldaý» kásipkerlik boıynsha kýrstar oınatyldy», - dedi QazUTÝ rektory Meıram Begentaev, stýdentter úshin qaýipsiz ortanyń jáne koronavırýs ınfeksıasynyń taralýyn boldyrmaýdyń keshendi sharalary iske asqanyn aıtty.
Almaty qalasy ákiminiń orynbasary Erjan Babaqumarov balalar men oqýshylardyń qaýipsizdigin qamtamasyz etý basty mindet ekenin atap ótti. Sondyqtan pedagogtar men ata-analar arasynda ujymdyq ımýnıtetti qalyptastyrý mańyzdy. Búginde Almatyda 895 959 adam vaksınalandy, onyń ishinde 34 786 (100%) oqytýshy, 14 875 (70%) JOO qyzmetkeri, 57 044 (34%) stýdentter.
Dástúrli oqytý formaty sapaly bilim men daǵdylardy berýge múmkindik beredi. Osyǵan baılanysty mektepter men joǵary oqý oryndarynyń ákimshiligine qaýipsizdikti qamtamasyz etý jáne ınfeksıanyń taralýyn boldyrmaý sharalaryn kúsheıtý tapsyryldy. Tıisti tekserýlerdi qalalyq sanıtarlyq-epıdemıologıalyq qyzmetter jalǵastyrady.
Koronavırýstyq ınfeksıanyń taralýyn boldyrmaý jónindegi qalalyq shtab almatylyqtardy vaksınalanýǵa shaqyrady: búginde bul – vırýstan qorǵanýdyń jalǵyz joly.
Eske salsaq, búginde Almatyda 160 ekpe pýnkti jumys isteıdi, 1 028 adamdyq 237 ekpe brıgadasy tolyq rejımde jumys isteıdi. COVID-19-ǵa qarsy vaksına tegin.