1 sáýirden bastap Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy qazaqstandyq azamattarǵa qatysty vızalyq talaptardy ózara joıý týraly kelisimniń qoldanysyn jańǵyrtý qalpyna keltiriledi, dep habarlaıdy Almaty-akshamy.kz SİM silteme jasap.
Buǵan deıin ony Ońtústik Koreıa tarapy COVID-19 pandemıasyna baılanysty toqtatty. Osylaısha, Qazaqstan azamattary – ulttyq pasporttardyń ıeleri - Koreıa Respýblıkasyna 30 kúnnen aspaıtyn merzimge vızasyz qaıta kire alady.
Koreıa Respýblıkasynda eńbek etýge, bilim alýǵa nemese Ońtústik Koreıa aýmaǵynda turýǵa nıet bolǵan jaǵdaıda tıisti vızany alý qajet.
Sonymen qatar, qazirgi ýaqytta sheteldik azamattardyń Koreıa Respýblıkasyna kirýin avtorızasıalaýdyń «K-ETA» elektrondyq júıesi jumys isteıtinin eskerý qajet. Oǵan sáıkes elge vızasyz rejım negizinde keletin sheteldikterge ushýǵa deıin keminde 24 saǵat buryn www.k-eta.go.kr saıty arqyly josparlanǵan sapar týraly elektrondyq habarlama túrinde ótinish berý jáne sodan keıin Ońtústik Koreıa bıliginiń elge kirýge ruqsatyn alý talap etiledi. Mundaı ruqsat bolmaǵan jaǵdaıda áýekompanıa ushaqqa bortqa otyrǵyzýdan bas tartýǵa májbúr bolady.
Budan basqa, Koreıa Respýblıkasyna sapar shegetin azamattarǵa osy elde qoldanylatyn epıdemıaǵa qarsy sharalar týraly aqparatty Qazaqstan Respýblıkasyndaǵy Koreıa Respýblıkasynyń konsýldyq mekemelerinde aldyn ala naqtylaýǵa keńes beremiz.