Konsert elorda ákimdiginiń qoldaýymen uıymdastyryldy
Elordalyq «Astana» konsert zalynda halyq ártisi, ánshi-kompozıtor Eskendir Hasanǵalıevti eske alýǵa arnalǵan «Saǵyndym seni» konserti ótti. İs-shara Erkeǵalı Rahmadıev atyndaǵy Memlekettik akademıalyq fılarmonıanyń úrmeli orkestriniń XXI konserttik maýsymynyń ashylýyna oraılastyryldy, dep habarlaıdy Almaty-akshamy.kz Nur-Sultan ákimdiginiń resmı saıtyna silteme jasap.
Belgili qazaqstandyq ánshi-kompozıtor, Memlekettik syılyqtyń laýreaty, Qazaq KSR Halyq ártisin eske alýǵa arnalǵan mýzykalyq keshte ártister Eskendir Hasanǵalıevtiń repertýarynan ánder oryndady.
Keshtiń qurmetti qonaǵy retinde onyń jary Darıko Hasanǵalıeva men uly Birjan Hasanǵalıev qatysty.
«Elorda ákimdigine, sol sıaqty uıymdastyrýshylarǵa Eskendir Hasanǵalıevtiń shyǵarmashylyǵyn qurmettep, osyndaı rýhanı konsertti ótkizgeni úshin erekshe alǵysymdy bildiremin. Halyq óner men shyǵarmashylyqty baǵalaǵan kezde belgili kompozıtordyń esimi óshpeıtinine senimdimin», - dep atap ótti Halyq ártisi Darıko Hasanǵalıeva.
Kompozıtor halqymyzdyń án ónerine úlken úles qosty. Onyń avtorlyq shyǵarmalary jurt esinde máńgi saqtalmaq. Ol qazaq, orys, tatar, nemis aqyndarynyń óleńderine kóptegen án jazdy. Sonymen qatar 200-ge jýyq án, romans jáne hor shyǵarmalaryn qoıdy. Eskendir Hasanǵalıevke degen qazaq halqynyń qurmeti ylǵı da erekshe bolyp qala bereri sózsiz.
Konsertte úrmeli aspaptar orkestriniń súıemeldeýimen QR eńbek sińirgen ártisi Maıra İlıasova, Qazaqstannyń eńbek sińirgen qaıratkerleri Svetlana Aıtbaeva, Súndet Baıǵojın, Altynaı Jorabaeva, Marjan Arapbaeva, Araılym Rahymqyzy, halyqaralyq baıqaýlardyń laýreattary Aıdyn Jumabaev, Nurbol Balapanov, Áıgerim Oraz, Parasat Otan, Talǵat Allabırınovtar, Aqbota Qusnadın, Ákimhan Májenov, Muratbek Haırolda, Nurbol Balapanov, Baqdáýlet Jaqypov, Arýjan Qoıshyqara jáne «Alem» estradalyq bı ansambli, Ulttyq Ulannyń «Qurmet» qaraýyl rotasy óner kórsetti.
Oryndaýshylar kompozıtordyń «Atameken», «Esirmegen mahabbat», «Ádemi-aý», «Týǵan jer», «Elimim erkem» ánderi halyq jadynda máńgi saqtalatynyn atap ótti.
İs-shara sanıtarlyq normalar men karantın talaptaryn saqtaı otyryp ótti.