Balany jerge qatty soǵylýdan saqtap qaldy
Elordalyq Talǵat Ábdihanuly 10-qabattan qulap bara jatqan balany qaǵyp alǵan. Bul týraly Almaty- akshamy.kz QazAqparatqa silteme jasap habarlady.
«31 shildede saǵat 20:50-de qutqarý qyzmetine jedel járdemnen qońyraý tústi. Onda Qabanbaı batyr dańǵyly, 42 mekenjaıynda ornalasqan úıdiń 10-qabatynan bala qulaǵany aıtylǵan. Bıikten qulaǵan bala 2017 jyly týǵan. Ony sol úıde turatyn 1988 jylǵy azamat jolaı ótip bara jatyp kezdeısoq kórip, dereý balany qaǵyp alýǵa tyrysqan. Ol osylaısha balany jerge qatty soǵylýdan saqtap qaldy. Degenmen búldirshin qazir №2 aýrýhananyń jansaqtaý bóliminde aýyr halde jatyr», – delingen habarlamada.
Departament ókilderi balany qutqaryp qalǵan Talǵat Ábdihanulyn marapattaýdy jón kórip, oǵan habarlasqan.
Alaıda, ol búldirshinniń aýyr halde jatqanyn alǵa tartyp, marapattan bas tartypty.