Bıyl elimizde temirjol kóligimen júkterdi tasymaldaý kólemi ótken jylǵy kórsetkishterge qaraǵanda ortasha eseppen 3,5 paıyzǵa artyp otyr
Kólik mınıstrliginiń málimetine saı, jyl basynan júkterdi tasymaldaý kólemi shamamen 270 mln tonnany qurap otyr. Sonymen birge eksporttyq (+8,5%), ımporttyq (+10,9%) jáne tranzıttik tasymaldar (+18,9%) barysynda da kólemniń aıtarlyqtaı ulǵaıǵany baıqalady, dep habarlaıdy Almaty-akshamy.kz.
Oǵan qosa temir keni, munaı ónimderi, qurylys júkteri, astyq, hımıkattar, tyńaıtqyshtar jáne qara metaldar tasymaly boıynsha ulǵaıý kútilýde. Atap aıtqanda, temir keni 8 paıyzǵa, munaı ónimderi 11%, qurylys júkteri 5%, astyq 23%, hımıkattar 16%, tyńaıtqyshtar 20% jáne qara metaldar 9%.
Sondaı-aq jyldyń qorytyndysy boıynsha temirjol kóligimen jyl kóleminde tasymaldanǵan júk kólemi shamamen 300 mln tonnany quraıdy dep josparlanyp otyr. Onyń ishinde, el ishinde 166 mln tonna, eksporttyq baǵytta 87 mln tonna, ımporttyq baǵytta 18 mln tonna jáne tranzıttik 29 mln tonna júk.