Úkimetke bul kásibı merekeni resmı túrde tirkeýge «Atameken» UKP usynys jasaǵan.
Qaýly bekitilgennen keıin kúntizbede 9 qyrkúıek – Qazaqstan kásipkerleri kúni degen jańa kásibı mereke paıda bolady, dep habarlaıdy Almaty-akshamy.kz «Atameken» ulttyq Kásipkerler palatasynyń baspasóz qyzmetine silteme jasap.
«Qazaqstan kásipkerleri kúni – shyn máninde júzdegen myń qazaqstandyq úshin ózekti ári mańyzdy kúnge aınalmaq. Ol biriktirýshi faktor retinde qyzmet etetin bolady. Sońǵy eki jyl kásipkerler úshin ońaıǵa soqpady. Pandemıa saldarynan olar jappaı qysqartýǵa, basqarý túrin, bıznes formatyn aýystyrýǵa nemese ońtaılandyrýǵa májbúr boldy. Búgingi bıznesmender – batyrlar. Olardyń eńbekteri elenýi tıis», — delingen UKP habarlamasynda.
Kásipkerler kúni degen mereke AQSH, Úndistan, Qytaı, sonymen qatar Reseı, Belarýs, Ýkraına, Ázirbaıjan, Qyrǵyzstan jáne Armenıada bar.