Erjan Babaqumarov «Jas maman» jobasy aıasynda kolejderdiń jańǵyrtylýymen tanysty
Almaty qalasy ákiminiń orynbasary Erjan Babaqumarov Almaty qurylys-tehnıkalyq jáne Almaty polıtehnıkalyq kolejderinde «Jas maman» jobasynyń júzege asyrylý barysyn tekserdi, dep habarlaıdy Almaty-akshamy.kz
Oqýshylardy óndiriste praktıkalyq jumyspen qamtamasyz etý úshin iri kásiporyndarmen dýaldy oqytýdy damytý jáne yntymaqtastyq qurý boıynsha mindetterdi belgiledi.
2021-2022 jyldary osy joba sheńberinde kadrlar daıarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boıynsha 2500 orynǵa arnalǵan 48 kolejde ornalastyryldy.
Almaty qurylys-tehnıklyq koleji osy baǵdarlama aıasynda 200-ge jýyq túrli maqsattaǵy apparattar men jabdyqtardy satyp alǵan. Tehnıkalyq jaǵynan dánekerleý isi, jıhaz óndirisi, santehnıka jáne jylytý, qurǵaq qurylys jumystary boıynsha úsh sheberhana jabdyqtalǵan. Jıhaz sehyna aǵashqa kez-kelgen úlgini kesetin, baǵdarlamalyq-sandyq jolmen basqarylatyn apparat satyp alyndy. Sondaı-aq, óńdeýge arnalǵan frezerlik stanoktar men tigin mashınalary satyp alyndy.
«Bizdiń kolej qurylys-kommýnaldyq sharýashylyq beıini boıynsha oqý-ádistemelik birlestik. Munda jıhaz óndirisiniń mamandary daıyndalady. Bizdiń oqý baǵdarlamalarymyz jıhaz óndirisin qarapaıymnan kúrdelige deıin – kishgirim bólshekterdi daıyndaý, jıhaz betin tigý jáne t.b. bolatyndaı etip jasalǵan», - deıdi dırektordyń oqý-ádistemelik jumysy jónindegi orynbasary Azız Jalılov. Stýdentter sehta ózderi partalar, esikter, kolej kabınetterine arnalǵan oryndyqtar daıyndaıdy eken.
Almaty qurylys-tehnıkalyq koleji qalamyzda kásibı santehnıkterdi daıyndaıtyn jalǵyz oqý orny. «Jas maman» baǵdarlamasy aıasynda bolashaq santehnıkter úshin jylytý jáne sýmen jabdyqtaý júıelerin ornatý men kúıge keltirý boıynsha modýlder, qol gıdravlıkalyq sorǵysy bar ilmekti armatýraǵa arnalǵan stendter, aýa baptaýǵa arnalǵan júıeler, dýsh kabınasyn, vanalar men ýnıtazdardy qosýǵa arnalǵan júıeler satyp alyndy. Kolejde qurǵaq qurylys zerthanasy bar, onda stýdentter qabyrǵalardy jylytý, boıaý jáne basqa da jóndeý jumystary boıynsha tájirbıe jınaqtaıdy.
«Jas maman» baǵdarlamasy bizge kolej stýdentterine arnalǵan jabdyqtardy jańartýǵa múmkindik berip, standarttarymyzdy sáıkestendirý, stýdentterimizdi óndiristik qyzmetke jaqyndatý arqyly jańa deńgeıge shyǵý joldaryn ashty. Bizdiń kolejdegi árbir jabdyq kúnine alty saǵattan qoldanylady, bul bizdiń shákirtterdiń eńbek naryǵynda básekege qabilettiligin arttyrýǵa septigin tıgizýde, - dep atap ótti dırektordyń oqý-ádistemelik jumysy jónindegi orynbasary Azız Jalılov.
Sondaı-aq, ákim orynbasary Erjan Babaqumarov Almaty polıtehnıkalyq kolejine baryp, «Jas maman» jobasyn iske asyrý aıasynda aqpan aıynda ashylǵan IT-ortalyǵymen jeke tanysty. Ortalyqta kompúterlik-apparattyq qamtamasyz etý boıynsha stýdent-tehnıkter, aýdıo jáne beıneoperatorlar, tehnıka-mehanıkter oqýdan ótedi.
«Biz árbir baǵyt boıynsha jumys berýshilermen kelise otyryp, tıisti jabdyq satyp aldyq. Stýdentter kásiporyndarda suranysqa ıe jabdyqtarmen jumys isteıdi. Jabdyqtar bizdiń stýdentterge búkil óndiris prosesin kórýge múmkindik beredi. Olar zaýytqa barǵanda, qandaı qurylǵy qalaı jumys isteıtinin biletin bolady. «Jas maman» baǵdarlamasynyń arqasynda biz stýdentterimizge kóbirek bilim men tájirıbe bere alamyz», - deıdi kolej dırektorynyń oqý-ádistemelik birlestik jónindegi orynbasary Marjan Málikova.
Buǵan deıin Almaty qalasy ákiminiń orynbasary Erjan Babaqumarov energetıka jáne elektrondyq tehnologıalar kolejine, sondaı-aq kópsalaly kolejge baryp, «Jas maman» jobasynyń júzege asyrylý barysymen jáne materıaldyq-tehnıkalyq jaraqtaný deńgeıimen tanysty.
«Jas maman» jobasy Qazaqstan Respýblıkasynyń Tuńǵysh Prezıdenti N.Á.Nazarbaevtyń Jastar jylynyń saltanatty ashylý rásiminde 2019 jylǵy 23 qańtarda bergen tapsyrmasyna sáıkes ázirlendi.
Anyqtama úshin: «Jas maman» jobasynyń negizgi maqsaty – 100 suranysqa ıe mamandyq boıynsha kolejder men joǵary oqý ornyn jańǵyrtý men bilikti mamandar daıarlaýdyń halyqaralyq tájirıbesin engizý. Maqsatqa jetý jolynda Almatyda mynandaı keshendi jumystar júrgizilýde:
- suranysqa ıe mamandyqtar boıynsha mamandar daıarlaıtyn 18 kolej irikteldi;
- bilim berý prosesin jańǵyrtý, oqytýshylar men óndiristik oqytý sheberlerin jetildirý men málimdelgen kásip boıynsha halyqaralyq standarttar negizinde bilim berý baǵdarlamasyn jasaýǵa járdemdesý úshin sheteldik áriptesterdi tartý;
- kolejderge - kolejderge jabdyqtar satyp alynady.
Jobanyń iske asýy nátıjesinde oqý uıymdary respýblıkalyq jáne halyqaralyq deńgeıde talap etiletin mamandardy daıarlaý úshin qajetti qazirgi zamanǵy jabdyqtarmen jaraqtandyrylatyn bolady, málimdelgen kásip boıynsha óz óńiri úshin quzyrettilik ortalyqtaryna aınalyp, álemdik WorldSkills chempıonattaryna qatysýshylardy daıarlaýǵa múmkindik alady.