Almaty ákimi Baqytjan Saǵyntaev koronavırýs ınfeksıasynyń taralý dınamıkasy týraly aıtyp, pandemıany toqtatýdyń jalǵyz ári senimdi tásili vaksınalaný ekenin eske saldy, dep habarlaıdy almaty-akshamy.kz
«Almaty» TA-daǵy Akimat LIVE baǵdarlamasynyń tikeleı efırinde qala ákimi KVI boıynsha epıdemıologıalyq ahýaldyń shıelenise túskenin habarlady. Ótken táýlikte COVID-19-dyń 312 jaǵdaıy tirkeldi, onyń 303-i sımptomdy. Epıdemıa bastalǵannan beri 175 434 oqıǵa tirkeldi, al jyl basynan beri tirkelgeni – 156 913 jaǵdaı.
KVI dertin juqtyrý bazalyq boljam boıynsha turaqtanýda ári tómendeýin jalǵastyrýda. Derttiń tómendeý qarqyny saqtalsa, onda aıdyń sońynda juqtyrý deńgeıi táýligine 300-den kem bolady dep boljanýda.
Ótken aptada, aldyńǵymen salystyrǵanda, úı oshaqtarynda ınfeksıa 4%-ǵa, sondaı-aq jumys ornynda 0,9%-ǵa, týystarmen, kórshilerimen jáne tanystarymen baılanys kezinde 0,6%-ǵa aıtarlyqtaı ósti. Sondaı-aq, qoǵamdyq kólikte – 4,8%-ǵa, saýda obektilerinde – 1,5%-ǵa juqtyrýdyń kúrt ósýi baıqalady.
Ótken aptada negizgi juqtyrý oryndary saýda obektileri – 35%, qoǵamdyq kólik – 24%, otbasylardaǵy baılanystar – 20% jáne bazarlarda – 10%.
Infeksıalyq stasıonarlarda 1 255 adam, onyń ishinde 31 bala bar. Jaǵdaıy óte aýyr – 57 pasıent, aýyr – 627, ortasha aýyr – 571. RITB-de barlyǵy – 129 pasıent bar. ÓJJ apparatynda – 27 naýqas, ınvazıvti emes ÓJJ-de - 72, High flow-da-20 apparat qoldanysta.
Ótken táýlikte birinshi komponentpen 1 581 adam, ekinshi komponentpen 2 691 adam vaksınalandy. Aǵymdaǵy jyldyń 1 aqpanynan 19 qazanǵa deıingi barlyq kezeńde İ komponentpen 981 759 adam, II komponentpen 906 264 adam vaksınalandy.
Baqytjan Saǵyntaev shetelderdegi, sonyń ishinde derttiń kezekti ósýi tirkelgen Reseıdegi jaǵdaıǵa nazar aýdardy. Sondyqtan Almaty ákimi turǵyndardy KVI pandemıasynyń órshýine jol bermeýge, vaksına saldyrýdy keıinge qaldyrmaýǵa shaqyrdy. Vaksınalanǵan ár adam ahýaldy turaqtandyrýǵa jáne shekteýlerdi joıýǵa aıtarlyqtaı úles qosatyn bolady.