Qazaqstanda saıası transformasıa jáne qoǵamdy jańǵyrtý saıasaty jalǵasady.
Bul týraly QR Prezıdenti Qasym-Jomart Toqaev aıtty, dep habarlaıdy Almaty-akshamy.kz
«Bılik pen bıznestiń syndarly ózara is qımyly áleýmettik turaqtylyqtyń myǵym negizin qurady. Al ol óz kezeginde ekonomıkalyq, sonymen qatar saıası reformalardy sátti júzege asyrý úshin mańyzdy shart sanalady», - dep atap ótti Memleket basshysy elimizdiń iri bıznes ókilderimen kezdesýi barysynda.
QR Prezıdenti saıası transformasıa jáne qoǵamdy jańǵyrtý baǵyty jalǵasatyndyǵyn basa aıtty.
«Taıaýda saıası transformasıanyń magıstraldy baǵdarynan esh aýytqý bolmaıtynyn málimdegen edim. Men Memleket basshysy retinde saıası transfromasıa jáne qoǵamymyzdy jańǵyrtý saıasatyn jalǵastyra beretin bolamyn. Sondyqtan ekonomıkalyq reformalar baǵdarlamalarymen birlesip jumys isteý qajet. Reforma baǵyty berildi. Naryqtyq áleýmettik baǵdarlanǵan jáne ártaraptandyrylǵan ekonomıkaǵa kóshý kerek», - dep atap ótti Qasym-Jomart Toqaev.