Túrli saladaǵy jyl úzdikterine «Altyn adam» syılyqtary tapsyrylady.
Qazaqstandyq tenısshi Elena Rybakına «Altyn adam» syılyǵynyń laýreaty atandy, dep habarlaıdy Almaty-akshamy.kz Qazaqstan tenıs federasıasynyń baspasóz qyzmetine silteme jasap.
Elena Rybakına «Sporttaǵy jyl serpilisi» atalymy boıynsha úzdik shyqty. Bıyl ol Qazaqstan tenısi tarıhynda alǵash ret jekeleı synda Ýımbldonda top jardy. Sondaı-aq taǵy eki WTA týrnıriniń jeńimpazy atandy.
Aıta keteıik, bul baıqaýdy «Eýrazıa jyl adamy» uıymdastyrý komıteti 2000 jyldan beri ótkizip keledi. Túrli saladaǵy jyl úzdikterine «Altyn adam» syılyqtary tapsyrylady. Ony anyqtaý úshin turǵyndar arasynda saýaldama júrgizilip, sarapshylar daýys beredi, uıymdastyrý komıteti taldaý jasap, qazylar alqasy úzdikterdi tańdaıdy.
«Altyn adam» syılyǵyn ár jyldary Olga Shıshıgına, Ilá Ilın, Aleksandr Vınokýrov, Elena Hrýstaleva, Gennadıı Golovkın, Dmıtrıı Balandın, Fırýza Sháripova, Qazbek Valıev, Zýlfıa Gabıdýllına jáne basqa da sportshylar alǵan.