Ońtaıly energıa
Jańartylatyn energıa kózderin damytý – basymdyqtar qatarynda, dep habarlaıdy Almaty-akshamy.kz Qazaqtv.com caıtyna silteme jasap.
Elimizde 2025 jylǵa qaraı jańartylatyn energıa kózderiniń 59 jańa nysany iske qosylady. Osylaısha el boıynsha belgilengen qýaty 4 jarym myń megavattqa jýyq JEK-niń sany 180-nen asady. Bul týraly Energetıka mınıstri Nurlan Noǵaev málimdedi.
Onyń aıtýynsha, elektr energıasyn tutynýdyń ósimi jáne manevrlik qýattardy damytý – respýblıkanyń energetıkalyq qaýipsizdigin qamtamasyz etýdiń mańyzdy sharty. Atalǵan jobalardy iske asyrý sheńberinde shamamen 1 trln teńge ınvestısıa tartylady. Osylaısha JEK úlesi eki esege artpaq.
Budan basqa, Qazaqstanda beıbit maqsattaǵy atom men sýtegi energetıkasyn damytý boıynsha jańa tásilderdi ázirleý josparlanyp otyr.
Dálirek, osy salalardaǵy mamandyqtar boıynsha álemniń jetekshi joǵary oqý oryndarynda stýdentterdi oqytýǵa granttar men stıpendıalar bólinedi.