Qazaqstan zoobaqtaryndaǵy janýarlar, qustar men balyqtar sany bir jylda 29%-ǵa azaıdy.
Byltyr elimizde 13 zoobaq boldy. Olar elimizdiń 8 óńirinde ǵana bolǵan. Zoobaqtardyń 8-i shaǵyn, 3-i orta, 2-i iri kásipkerlik sýbektilerine tıesili boldy, dep habarlaıdy Almaty-akshamy.kz Elorda.info saıtyna silteme jasap.
Elde haıýanattar baǵynyń jalpy sany azaıyp barady. Máselen, 2018 jyly olardyń sany — 20, 2019 jyly — 18, 2020 jyly — 16 boldy.
Elimizdegi zoobaqtardyń jalpy aýdany 2021 jyly 100,5 gektarǵa jetti, onyń ishinde 63,4 myń sharshy metr - ańdardyń, qustartardyń jáne balyqtardyń panasy.
Onda ustalatyn janýarlardyń sany 2022 jyly 29% azaıyp, 12 myń boldy. Olardyń eń kóp bóligi ońtústik astanada: 3,8 myń, bir jylda 55,3% -ǵa azaıǵan.
Astana ekinshi orynda (Aqmola oblysyn qosa sanaǵanda): elorda men Aqmola oblysynyń zoobaqtaryndaǵy ań, qustardyń jáne balyqtyń sany 3,2 myń — bir jyl burynǵydan 6,7% -ǵa az.
Janýarlar sany boıynsha alǵashqy úshtikti Shymkent japty: ońtústik megapolıstiń zoobaqtarynda 2,6 myń danasy bar — bir jyl burynǵydan 0,7% -ǵa kóp.
Qazaqstandaǵy zoobaqtaǵy janýarlar ishinde eń kóbi balyq: 2021 jyly 7,1 myń dana. Sondaı-aq zoobaqtarda 1,9 myń sútqorekti, 1,9 myń qus, 744 omyrtqasyz, 341 baýyrymen jorǵalaýshy jáne 54 qosmekendi bolǵan.