Qazir Qazaqstanda Uly Otan soǵysynyń 222 qatysýshysy bar.
Mundaı málimetti Eńbek jáne halyqty áleýmettik qorǵaý mınıstrligi bergen, dep habarlaıdy Almaty-akshamy.kz.
Sondaı-aq UOS kezinde jaralanǵan, múgedektigi bar adamdar jáne jeńiske úles qosqan 60 106 azamat turady.
Atap aıtqanda, Qorshaýdaǵy Lenıngrad turǵyndary – 78 adam; konslagerlerdiń burynǵy kámeletke tolmaǵan tutqyndary – 175 adam; UOS kezinde jaralanǵan, kontýzıasy, zaqymdanýy nemese aýrýy saldarynan múgedektigi bar qaıtys bolǵan adamnyń jubaılary – 2 413 adam; UOS – da qaza tapqan (qaıtys bolǵan, habar-osharsyz ketken) jaýyngerlerdiń jesirleri – 4 adam; tyl eńbekkerleri – 57 436 adam.
«UOS kezinde maıdanǵa 1 mln 200 myńnan astam qazaqstandyq shaqyryldy, 20-dan astam atqyshtar dıvızıasy men basqa da qurylymdar quryldy. Áskerı qyzmeti úshin júzdegen myń qazaqstandyq medaldarmen jáne ordendermen marapattaldy, 500-ge jýyq adam Keńes Odaǵynyń Batyry atandy. Tórt qazaqstandyq eki ret batyr atandy, 110 qazaqstandyq úsh dárejeli Dańq ordenimen marapattaldy. Qolyna qarý alǵan árbir ekinshi qazaqstandyq Jeńis úshin óz ómirin qıdy. Olar shaıqasta qaza taýyp, habar-osharsyz ketti. Tutqynnan 630 myń adam oralmady», - delingen habarlamada.
Qazaqstanda Jeńis kúnine oraı UOS ardagerlerine 1,5 mln teńge mólsherinde birjolǵy materıaldyq kómek kórsetiledi.