Almaty ákimi Erbolat Dosaev 2023 jyldyń 5 mamyrynda Qazaqstan Prezıdenti Qasym-Jomart Toqaevtyń atynan Almaty qalasynyń quqyq qorǵaý organdarynyń eńbek sińirgen ókilderin áskerı jáne qyzmettik boryshyn oryndaý kezinde kórsetken erligi men janqıarlyǵy, eldiń ulttyq qaýipsizdigi men qorǵanys qabiletin qamtamasyz etýge qosqan úlesi, sonymen qatar, zańdylyq pen quqyqtyq tártipti nyǵaıtqany úshin Qazaqstan Respýblıkasynyń memlekettik nagradalarymen marapattady.
İİ dárejeli «Aıbyn» ordenimen Aısbekov Sahı Qaıratuly, Almaty qalasy prokýrorynyń aǵa kómekshisi – Almaty qalasy prokýratýrasynyń ekstremızm men terorızmge qarsy is-qımyl týraly zańnamanyń saqtalýyn qadaǵalaý tobynyń basshysy jáne İshki ister mınıstrligi Almaty qalasy polısıa departamentiniń jergilikti polısıa qyzmeti basqarmasynyń bastyǵy Uzabaev Erjan Saǵynjanuly marapattaldy.
Sonymen qatar, «Jaýyngerlik erligi úshin» medalimen Qazaqstan Respýblıkasy Ulttyq qaýipsizdik komıtetiniń Almaty qalasy boıynsha departamenti bastyǵynyń orynbasary Murat Qydyráliuly Ospanov marapattaldy.
