Munaı-gaz salasynyń sarapshylary aldaǵy ýaqytta eldegi benzın 25 prosentke qymbattaıtynyn boljady. Jalpy, jyl basynan beri janar-jaǵarmaı quny 30 prosentke ósken, dep habarlaıdy Almaty-akshamy.kz
Qazaqstandaǵy munaı óndirýshi kompanıalar óńdeýshilerge shıkizatty óz baǵasyna berýge mindetteldi. Bul týraly qarjylyq sarapshy Andreı Chebotarev óziniń telegram kanalynda habarlady. Onyń aıtýynsha, mamyrǵa deıin munaı óńdeý zaýyttaryna shıkizat barreli 20 dollardan aspaǵan.
Ol tusta bizdegi qara altynnyń álemdik quny 70 dollarǵa jetken. Demek, munaıdy óz baǵasynan tómen satý qazynaǵa tıimsiz ári ulttyq qordyń kirisi báseńdetedi. Bir sózben aıtqanda, naryqtyq ekonomıka prınsıpi buzylady.
Jalpy, elimiz arzan benzın satatyn memleketter ondyǵyna kiredi. Bizden keıin Venesýela tur. Ondaǵy janarmaı tegin, esesine qorda ónim joq. Sarapshy eldegi benzınniń arzan kúıde qalýy defısıtke alyp kelýi múmkin deıdi.
Kórshilerden suranys artqasyn eksport ta, kontrabanda da artady. Andreı Chebotarev benzın baǵasy EAEO biryńǵaı otyn naryǵynda da ósetinin boljady.