Qazaqstan ekonomıkasy ilgerilep keledi.
EADB Qazaqstan ekonomıkasynyń 4% ósýin boljaıdy, dep habarlaıdy Almaty-akshamy.kz.
Dúnıejúzilik Eýrazıalyq damý banki sarapshylary Qazaqstan ekonomıkasynyń 4% deńgeıinde ósimin boljady. Buǵan jahandyq ekonomıkanyń qalpyna kelýi men munaı baǵasynyń ósýi yqpal etpek. Karantındik shekteýlerdiń álsireýi tutynýshylyq suranysqa jaǵymdy áser etetindikten, bıyl eldegi óndiris daǵdarysqa deıingi deńgeıge oralady dep kútilýde.
Bul rette kólik-logıstıka jáne týrızm salasynda qoıylǵan shekteýler tolyǵymen joıylmaǵandyqtan, birshama qıyndyq saqtalýy múmkin. Eýrazıalyq damý banki habarlamasynda, sondaı-aq ekonomıkalyq ósýdiń negizgi draıveri bolatyn qurylys salasy neǵurlym jyldam qarqynmen damıtyny kórsetildi.
Banktiń jańa sholýynda Qazaqstan ekonomıkasy 2022 jyly 4,4% ósetini jáne 2023 jyly onyń ósimi 5% deıin jetetini atap ótildi. Osy jyldyń qorytyndysy boıynsha ınflásıa 6,7% deńgeıinde tirkelip, al 2022 jyly 5,7% deıin baıaýlaıdy dep boljanǵan.