Onyń habarlaýynsha, eger de dopıng daýynda ustalyp, sportshynyń kinási shynymen anyqtalatyn bolsa, onda sportshy dıskvalıfıkasıaǵa ushyraıdy.
«Onyń aldynda alynǵan júldeleri keri qaıtarylatyn bolsa, ataqtary, materıaldyq qamsyzdandyrý toqtatylady. Aqshalaı syıaqy da qaıtarylady. Eger sportshyǵa páter berilgen jaǵdaıda, ol ony óz atyna 10 jyldan keıin ǵana zańdastyra alady. Sebebi, dopıngke tekserý kezinde 2 proba alynady. Birinshisi ol - A probasy. Bul proba sol mezette ashylady. Ekinshisi 10 jyldan keıin ǵana ashylady. Sondyqtan osy ýaqytqa deıin úı memleket atynda bolady», – dedi spıker.
Aıgúl Bektenova ár sportshy óz daıyndyǵyna jaýapty ekenin eske saldy. Joǵary nátıje kórsetýge daıyndalyp jatqan sportshy osyny umytpaý qajet. Dopıng oqıǵalaryn boldyrmaý úshin jaýapty mekeme dopıng synamalaryn alyp qana qoımaı, ár óńirmen, mundaǵy jattyqtyrýshylarmen tyǵyz jumys isteıdi. Jıi semınarlar men oqý ótkizedi.
«Sportshy bilmeýi múmkin. Aýyrǵanda qandaı da bir preperat ishse, sol preparat ishinde tyıym salynǵan zattar bolýy múmkin. Sondaı olqylyq bolmas úshin oqý ótkizemiz. Aýyr atletterde sporttyq taǵamdar bar. Internetten ashyp qarasaq, ol – qoljetimdi. Sporttyq tamaqtaný men qalpyna keltirý dári-dármekterin Ulttyq medısına ortalyǵy nemese federasıalar arqyly satyp alýdy usynamyz. Óz betimen satyp alǵandar jıi zardapqa ushyraıdy», – dedi A.Bektenova.