Imamdar úsh túrli sebepterge baılanysty osyndaı sheshimge kelgen.
Qazaqstan musylmandary dinı basqarmasy musylmandarǵa krıptovalúta paıdalanýǵa tyıym saldy, dep habarlaıdy Almaty-akshamy.kz.
Múftıat mundaı sheshim qabyldaýǵa úsh túrli sebep keltiredi. Birinshiden, sharıǵatqa sáıkes, kez kelgen aqsha memleketten shyǵarylyp, onyń qorǵaýynda bolýy tıis.
«Bıtkoın - ulttyq valúta emes. Bul ortalyqsyzdandyrylǵan vırtýaldy aqsha, memlekettik organdar tarapynan kepildik berilgenimen, qarjylyq zańdar arqyly qorǵalmaǵan. Ol kez kelgen ýaqytta quldyrap ne ósip ketýi múmkin. Budan halyq zardap shegedi», – delingen Muftyat.kz caıtyndaǵy habarlamada.
Ekinshi sebebin múftıat bıtkoın-prosesterdiń jabyq ótetinimen, munyń alaıaqtyqqa alyp keletinimen túsindiredi. Úshinshiden, bıtkoın valúta nemese taýar retinde baqylaýǵa alynbaıdy, bul ishki ekonomıkaǵa, qoǵamǵa keri áserin tıgizedi delingen.