Dımashtyń Stranger konserti 2022 jyldyń 23 qyrkúıeginde Almatynyń Ortalyq stadıonynda ótedi
14 shildede álemge tanymal qazaqstandyq ánshi Dımash Qudaıbergenniń alǵashqy jeke konsertine bılet satyla bastady.
Dimashnews.com aqparaty boıynsha, alǵashqy 15 mınýt ishinde ártistiń 36 eldegi jankúıerleri bılet satyp alǵan. Dımash óziniń Instagram resmı akkaýntynda Dears-ke alǵysyn jetkizip, olardy týǵan elinde asyǵa kútetinin aıtty.
«Bılet satylymy bastalǵany habarlanǵan soń 15 mınýt ishinde álemniń 36 elinen tyńdarmandarym bılet satyp aldy. Búgin – bılet satylymynyń ekinshi kúni. Odan da kóp qonaqtar bolady dep úmittenemin. Meni qoldaǵandaryńyzǵa kóp raqmet! Barshańyzdy jaqsy kóremin. 23 qyrkúıekte Almatyda kezdeskenshe!» – dep jazdy ánshi.
Dımashtyń Stranger konserti 2022 jyldyń 23 qyrkúıeginde Almaty qalasynyń Ortalyq stadıonynda ótedi. Bıletterdi myna siltemeden satyp alýǵa bolady.