Bul Dımashtyń naǵyz trıýmfy boldy.
Múnhen konferensıasyna qatysýshylar Dımashtyń ónerine oryndarynan turyp, uzaq ýaqyt dý qol shapalaq soǵyp, qurmet kórsetti, dep habarlady Almaty-akshamy.kz Dimashnews.com silteme jasap.
DLD –álemdi sıfrlandyrýǵa óz úlesterin qosýǵa at salysatyn azamattar úshin qurylǵan úlken halyqaralyq alań. Onda saıasat, ǵylym, mádenıet jáne óner salasyndaǵy tanymal vızıonerler óz tájirıbesimen bólisedi. Konferensıaǵa birneshe jyl boıy qatarynan kele jatqan spıkerlerdiń arasynda Facebook negizin qalaýshy Mark Sýkerberg, ánshi Ledı Gaga, Microsoft kompanıasynyń bas dırektory Satá Nadella, Twitter-diń negizin qalaýshy Djek Dorsı, iPhone ónertapqyshy Tonı Fadell jáne basqa da belgili tulǵalar qatysady.
Sondaı-aq sharaǵa tanymal mýzykalyq oryndaýshylar shaqyrylady. Mobilium Global kompanıasynyń bas dırektory Ralf Saımon bul jolǵy konferensıaǵa Qazaqstan ánshisi Dımash Qudaıbergendi shaqyrýdy usynǵan.
Bıyl DLD-diń basty sahnasynda alǵash ret qazaq halyq aspaptary shyrqaldy. Dımash Oljas Qurmanbektiń qobyzben súıemeldeýimen «S. O. S» jáne «Stranger» ánderin oryndady.
Sondaı-aq Mobilium Global bas dırektory jurtshylyq dombyra men qobyzdyń tańǵajaıyp únine qaıran qalǵanyn atap ótti.
«Meniń oıymsha, bul Dımashtyń naǵyz trıýmfy boldy. Dımashtyń ónerin tamashalaý úshin Berlınnen Múnhenge arnaıy ushyp kelgen kórermender boldy», – dedi ol.