«Billboard» amerıkalyq mýzyka jýrnalynyń jańa charty
Dımash Qudaıbergenniń «Fly Away» áni Billboard's Hot Trending Songs hıt-sherýinde 6 orynǵa shyqty, dep habarlaıdy Almaty-akshamy.kz QazAqparat-qa silteme jasap.
Billboard's Hot Trending Songs – «Billboard» atty amerıkalyq mýzyka jýrnalynyń jańa charty. Bul chart ánshilerdiń áni men esimi Twitter qoldanýshylarynyń arasynda qansha ret atalǵany boıynsha reıtıń túzedi.
Al Billboard jýrnaly jahandaǵy mýzykalyq tendensıalardy jáne olardyń naqty ýaqytta qalaı talqylanyp jatqanyn baqylaıdy. Osydan keıin baqylaý qorytyndysyn basqa charttardyń nátıjesimen birge jarıalaıdy.
Ótken aptada «Fly Away» eń trendtegi ánderdiń alǵashqy jıyrmalyǵyna enip, 19-shy orynǵa ıe bolǵan edi. Osy aptanyń qorytyndysy boıynsha Dımashtyń kompozısıasy Twitter-degi eń kóp aıtylatyn jáne talqylanatyn ánderdiń ondyǵyna kirdi. Osylaısha bir aptanyń ishinde 13 satyǵa kóterilip, 6-orynǵa shyqty. Dımash «Fly Away» kompozısıasyn alǵash ret 24 tamyzda «Novaıa volna» festıvalinde usynǵan bolatyn.