Osy oıynda utsa ǵana Qazaqstan quramasy joldama úshin talasty jalǵastyratyn edi.
La-Serena qalasynda Devıs kýboginiń irikteý machynda Qazaqstan Chılı quramasynan jeńilip qaldy, dep habarlaıdy Almaty-akshamy.kz QazAqparatqa silteme jasap.
Qazaqstandyqtar juptyq synda jeńilip qalǵannan keıin kortqa Aleksandr Býblık pen Krıstıan Garın shyqty.
Osy oıynda utsa ǵana Qazaqstan quramasy joldama úshin talasty jalǵastyratyn edi.
Birinshi partıada K.Garın 4:1 esebimen alǵa ketti. A.Býblık esepti qysqartqanymen, odan árige shamasy jetpedi – 4:6.
Ekinshi sette esep 3:2 bolǵan mezette qazaqstandyq tenısshi breık jasaı bildi. Sosyn múmkindigin jibergen joq – 6:3.
Úshinshi, sheshýshi sette chılılik sportshy breıkpen alǵa ketti – 3:1. Aqyry ol básekeni jeńispen túıindedi – 6:3.
Osylaısha, Qazaqstan quramasy Chılıge 1:3 esebimen jol berip, Devıs kýboginiń fınaldyq kezeńine shyǵa almaı qaldy.