Elordada densaýlyǵyna baılanysty vaksına almaǵandar úshin de "jasyl" statýs janady
Densaýlyǵyna baılanysty koronavırýsqa qarsy vaksına alýǵa bolmaıtyn qazaqstandyqtar elordada qoǵamdyq oryndarǵa barýǵa múmkindik alady, dep habarlaıdy Almaty-akshamy.kz
Qazaqtv.com saıtynyń málimetine sáıkes, ol úshin adamdar medısınalyq qarama-qaıshylyqtar týraly anyqtamany kórsetýi tıis. Nur-Sultan qalasynyń bas sanıtarlyq dárigeri Sarhat Beısenovanyń aıtýynsha, baǵdarlama ázirge tolyqtyrylmaǵan. Medısınalyq anyqtamasy barlardyń statýsy bolashaqta «Ashyq» qosymshasynda «jasylǵa» ózgeredi.
«Ýchaskelik dáriger bergen anyqtamasy bar, naqty medısınalyq qarama-qaıshylyqtary bar azamattar demalys kúnderi qoǵamdyq oryndarǵa barýǵa tolyqtaı quqyly. Iaǵnı ol resmı anyqtamany sol nysannyń ákimshiligine kórsetse boldy. Qazir Densaýlyq saqtaý mınıstrligi anyqtamasy barlardyń statýsy «Ashyq» qosymshasynda «kók» emes, «jasyl» bolýy úshin anyqtamalardy baǵdarlamaǵa kiristirý baǵytynda jumys júrgizip jatyr», - deıdi Nur-Sultan qalasynyń bas sanıtarlyq dárigeri Sarhat Beısenova.