Jekpe-jek 12 raýndtqa jalǵasty
Qazaqstan kásipqoı boksynyń jaryq juldyzy, Olımpıada chempıony Danıar Eleýsinov İVO tujyrymy boıynsha álem chempıony atandy, dep habarlaıdy Almaty-akshamy.kz QazAqparatqa silteme jasap.
Táýelsizdiktiń 30 jyldyǵyna oraı elordanyń Jaqsylyq Úshkempirov atyndaǵy Jekpe-jek saraıynda ótken kásipqoı boks keshiniń negizgi jekpe-jegi qazaqstandyq Danıar Eleýsinov pen argentınalyq Hýan Ernan Leao arasynda boldy.
12 raýndtyq kezdesýdiń ekinshi raýndynda Argentına boksshysy qazaqstandyq qarsylasynan nokdaýn aldy. Rıngtegi tóreshi úshinshi raýndta da «nokdaýn» ashty.
Qalǵan raýndtar da Danıardyń tolyq basymdyǵymen ótti.
Alaıda jekpe-jekti erte aıaqtaýǵa sátti bir soqqy jetpeı turdy.
Tóreshiler sheshimimen Danıar Eleýsinov IBO tujyrymy boıynsha álem chempıony ataǵyna laıyq dep tanyldy.
Boks keshin bastan-aıaq «Habar» telearnasy tikeleı efırden kórsetti.
Aıta keteıik, buǵan deıin Danıar Eleýsinov kásipqoı rıngtegi 10 jeńisiniń altaýyn nokaýtpen aıaqtasa, onyń qarsylasy 15 jeńisiniń tórteýin nokaýtpen támamdap, bir jekpe-jegin sátsiz ótkizgen.