Al ınfeksıaǵa shaldyǵý 16%-ǵa azaıǵan.
DDSU bir apta ishinde álemde COVID-19 vırýsy boıynsha ólim-jitimniń 43%-ǵa tómendegenin aıtty, dep habarlaıdy Almaty-akshamy.kz.
Ótken aptada 9 mıllıonnan astam adam koronavırýs ınfeksıasyn juqtyrdy, 26 myńnan astam adam qaıtys boldy.
Dúnıejúzilik densaýlyq saqtaý uıymy habarlaǵandaı, kóz jumý derekteriniń sany aldyńǵy jeti kúnmen salystyrǵanda 43%-ǵa tómendedi, al ınfeksıaǵa shaldyǵý 16%-ǵa azaıdy.
Vırýs juqtyrǵandar sanynyń azaıýy DDSU-nyń barlyq alty aımaǵynda tirkeldi. Bul, ásirese, Afrıkada (mınýs 19%), Eýropada (mınýs 16%) jáne Batys Tynyq muhıty aımaǵynda (mınýs 16%) baıqaldy.
Ólim-jitimniń tómendeý tendensıasy barlyq aımaqta tirkeldi, ásirese, Ońtústik-shyǵys Azıada (73%-ǵa) jáne Amerıkada (63%-ǵa) kórinis tapty.