Bul habarlama merzim aıaqtalardan 30 kún buryn jiberiledi.
Qazaqstandyqtar óz qujattarynyń qoldanylý merziminiń aıaqtalǵany týraly SMS-habarlama alatyn bolady, dep habarlaıdy Almaty-akshamy.kz Rolisia.kz saıtyna silteme jasap.
İshki ister mınıstrligi Sıfrlyq damý, ınovasıalar jáne aeroǵarysh ónerkásibi mınıstrligimen birlesip, osy jyldyń 1 sáýirinen bastap jeke kýáliktiń nemese júrgizýshi kýáliginiń qoldanylý merziminiń aıaqtalýy týraly azamattardy uıaly telefon nómirine SMS-habarlama arqyly aldyn ala habardar etý tetigi iske asyryldy.
Búgingi kúni jaramsyz jeke kýálik boıynsha 10 kúnnen 1 aıǵa deıin turǵany úshin eskertý túrinde ákimshilik jaýapkershilik, 1 aıdan astam ýaqytqa 7 aılyq eseptik kórsetkish nemese 21 441 teńge mólsherinde aıyppul qarastyrylǵan (Qazaqstan Respýblıkasy Ákimshilik quqyqbuzýshylyq týraly kodeksiniń 492-baby).
Qoldanylý merziminiń aıaqtalýyna baılanysty aı saıyn jeke kýálikterdi aýystyrý úshin 77 myńǵa deıin azamat, osy sebeppen júrgizýshi kýálikterin aýystyrý úshin 35 myńǵa jýyq azamat júginedi. Ótken jyldyń ózinde júrgizýshi kýálikteriniń merzimi aıaqtalǵanyna baılanysty kýálikterdi aýystyrý úshin 915 myń adam jáne 400 myńnan astam azamat júgingen.
«Endi mobıldik azamattar bazasynda (BMG) tirkelgen qazaqstandyqtar qujattyń qoldanylý merzimi aıaqtalǵanǵa deıin 30 kún buryn ózderiniń uıaly telefonyna mynadaı mazmundaǵy SMS-habarlama alatyn bolady: «Sizdin jeke kualiginizdin jaramdylyq merzimi 30 kunnen keıin aıaqtalady, HQKO-ga habarlasynyz/Srok Vashego udostovereniya istekaet cherez 30 dnei,obratites v CON», - delingen habarlamada.
Sondyqtan Memlekettik qyzmetterdi alý kezinde qandaı da bir SMS-habarlamalardy alý úshin azamat «elektrondyq úkimet» portalyndaǵy «jeke kabınetinde» (eGov.kz) uıaly telefon nómirin mindetti túrde kórsetýi kerek.