Coursera onlaın bilim berý alańy Global Skills Report 2023 jańa esebin jarıalady.
Baıandamada ornalastyrylǵan kýrstarǵa suranys jáne olardy tyńdaýshylardyń sátti ótýi zerttelgen, dep habarlaıdy Almaty-akshamy.kz QazAqparatqa silteme jasap.
Ǵylym jáne joǵary bilim mınıstri Saıasat Nurbektiń málimetinshe, Qazaqstan jalpy álemdik esepte 31-oryndy ıelengen. Baıandamada Qazaqstanda bilim alýshylar tehnologıalyq daǵdylar boıynsha jetistikke jetip jatqany, Technology kórsetkishi 96% quraıtyny atap ótilgen.
«Reıtıń quraýshylar kelesi bilim sanattaryn qarastyrady:
Business – menedjment, komýnıkasıa, qarjy jáne býhgalterlik esep sıaqty bıznesti basqarýǵa qatysty daǵdylar;
Technology – İT-júıeler men baǵdarlamalyq jasaqtamany qurý, qoldaý jáne masshtabtaý úshin qajetti daǵdylar;
Data Science – sheshimder qabyldaý úshin nemese ázirlenip jatqan ónimder men qyzmetterde kompanıalar jasaǵan bilimdi jınaý jáne paıdalaný daǵdylary.
2023 jyly zertteý bazasyn álemniń 100 elinen 124 mln stýdent qurady», - dep jazdy mınıstr.
Bul reıtıńtegi pozısıany arttyrýǵa QR Ǵylym jáne joǵary bilim mınıstrliginiń elimizdiń 25 joǵary oqý ornynyń bilim berý baǵdarlamalarynda 600-den astam kýrstardy engizý arqyly sıfrlyq ekonomıka úshin 20 000 stýdent pen oqytýshyny daıarlaý jónindegi bastamasy yqpal etýde.