Bul týraly Krımınaldyq polısıa departamenti basqarmasy bastyǵynyń orynbasary Samat Qusetov dástúrli brıfıń barysynda aıtty, dep habarlaıdy Almaty-akshamy.kz.
İshki ister organdarynyń qyzmetindegi mańyzdy baǵyttardyń biri – urlyqqa qarsy kúres, qylmystyń jalpy qurylymynda olardyń úlesi shamamen 44 paıyzdy quraıdy. Dál osy qylmystar, tipti az zıan bolsa da, ıelerine aıtarlyqtaı materıaldyq jáne moraldyq shyǵyn keltiredi, azamattardyń qaýipsizdigi men jaıly ómir súrý deńgeıine teris áser etedi, - dedi Qusetov.
Ol byltyr mal urlyǵy boıynsha jasalǵan qylmystardy tizip berdi.
2021 jyldyń qorytyndysy boıynsha, 920-dan astam mal urlyǵy, onyń ishinde 121 qylmystyq top ustaldy. Urlanǵan 9 myń (9084) bas iri qaranyń 5 myńǵa jýyǵy nemese 56 paıyzy, ıaǵnı jartysynan astamy tabylyp, qaıtaryldy. Máselen, Qaraǵandy oblysynda ótken jyldyń aqpan aıynda mal urylar tobynyń qylmystyq áreketi áshkerelengen. Olar 50-den astam jylqy men 4 mal urlyǵyn jasaǵan, - dedi ol.