Beıbitshilikke múmkindik berýin surady.
BUU bas hatshysy Antonıý Gýterrısh Reseı Prezıdenti Vladımır Pýtınnen reseılik áskerdiń Ýkraınaǵa shabýylyn toqtatýdy surady, dep habarlaıdy Almaty-akshamy.kz Rbc.ru silteme jasap.
Birikken Ulttar Uıymynyń Qaýipsizdik keńesi Ýkraına tóńiregindegi jaǵdaıdy shuǵyl talqylaý úshin bir aptada ekinshi ret jınaldy. Sesıadan úzindiler uıymnyń Twitter-degi resmı akkaýntynda jarıalandy.
«Men bir nárseni shyn júregimmen suraımyn: Prezıdent Pýtın, áskerlerińizdiń Ýkraınaǵa shabýyl jasaýyn toqtatyńyz, beıbitshilikke múmkindik berińiz», - dedi Gýterrısh.
Osyǵan deıin Reseı Prezıdenti Vladımır Pýtın Donbassta arnaıy áskerı operasıa júrgiziletinin, Reseıdiń josparynda Ýkraınany okýpasıalaýdyń joqtyǵyn aıtqan bolatyn.