Maqsat HALYQ, ekonomıs:
– Memleket basshysynyń «Samuryq-Qazyna» AQ jumysyn qaıta qaraý týraly aıtqany oryndy. Qandaı da bir is ol – memleketke paıdaly bolýy tıis. Memlekettiń artynda halyqtyń múddesine saı sheshimder turary anyq. Sondyqtan qarjy uıymdarynyń jumysyn ońtaılandyrý qajet. Kerek bolǵan jaǵdaıda ulttyq kompanıalardy sala mınıstrilikterine berse, quptarlyq is.
Dáp qazirgi jaǵdaıda eń tıimdi jol osy. Árıne, tıimdi menedjer bola ala ma dep aıtatyndar tabylady. Dese de, búgingideı jaǵdaıda ońtaıly jumys isteı bilgen abzal. Bul tyǵyryqtan shyǵatyn birden bir baǵyt. Biz monopolıadan bas tartyp, naryqta jańa kompanıalardyń alǵa shyǵýyna septeseıik.
Ekonomıkada shynaıy báseke bolsa, el órkendeıdi. Qarjylyq qıyndyqtar artta qalary haq.