Konstıtýsıalyq reforma – jalpyulttyq sıpattaǵy baǵdarly másele. Memleket basshysy Qasym-Jomart Toqaev tujyrymdaǵandaı, saıası jańǵyrý bolmasa, elimizdi ornyqty damytý, aýqymdy áleýmettik-ekonomıkalyq ózgeris jasaý múmkin emes. Bul – aqıqat.
Ótken úsh jylǵa jýyq ýaqyt ishinde Prezıdentimiz halqyna bergen ýádelerin múltiksiz oryndap, Antqa adaldyǵyn dáleldep keledi. Saıası transformasıa barlyq salada tamyr-tanystyq pen monopolıany túbirimen joıyp, adal ári ádil «oıyn erejesin» qalyptastyrýdy kózdeıtinin qadap aıtty. Bizge «Halyq únine qulaq asatyn memleket» tujyrymdamasyn amanattady. Basqarýdyń sýperprezıdenttik úlgisinen myqty Parlamenti bar prezıdenttik respýblıkaǵa birjola kóshý úshin «Kúshti Prezıdent – yqpaldy Parlament – esep beretin Úkimet» qaǵıdatyn basshylyqqa alýdy tapsyrdy.
Eń bastysy, qoǵamdy tolǵandyrǵan birqatar máseleler sheshimin tapty. Prezıdent alǵashqyda usynǵan saıası reformalardyń tórt toptamasy boıynsha naqty nátıjeler kórine bastady. Muny elimizde sońǵy ýaqytta bolyp jatqan tarıhı sheshimder men mańyzdy oqıǵalar aıǵaqtaıdy. Qoǵamdy odan ári demokratıalandyrýǵa baǵyttalǵan birqatar mańyzdy bastamalar júzege asty. Ulttyq qoǵamdyq senim keńesi quryldy. Ondaǵy pikirtalastaǵy ár pikir, ár usynys nazardan tys qalmady, muqıat zerdelendi. Saıasat salasynda ǵana onnan astam zań qabyldandy. Osyǵan qarap-aq elimizdegi oń úderisterdiń aýqymyn mejeleýge bolady. Solardyń biri de biregeıi – beıbit jınalystar týraly jańa zańnyń demokratıalyq baǵdary qoǵamnyń zor qoldaýyna ıe boldy.
Atalmysh qujat kim-kimge de esh kedergisiz sherý ótkizýge, nıet-pikirin emin-erkin aıtýǵa múmkindik berýimen de baǵaly. Osylaısha bılik pen halyq arasynda dıalog alańynyń jańa úrdisi, azamattyq jaýapkershilik pen saıası mádenıet qalyptasyp keledi. Prezıdentimiz aıtqandaı, zań bárine ortaq, oǵan bıliktegi azamattar da, qoǵam belsendileri de birdeı baǵynýǵa tıis. Sonda ǵana memleketimizde júrgizilip jatqan júıeli saıası ózgerister júıesin tabady dep senemiz. Búkil quzyret bir qolǵa jınaqtalǵan basqarý júıesi óziniń tıimdiligin joǵaltyp, qurdymǵa kete bastaǵan qazirgi kezeńde bizge ulttyq serpilis qajet. Ádiletti Qazaqstandy qurý – óz qolymyzda. «Reforma jasap jatyrmyz degen ataq úshin ǵana reforma jasaýdyń eshkimge qajeti joq» degen Qasym-Jomart Toqaev halyqqa kópirme sóz emes, bos ýáde emes, kózben kórip, qolmen ustaýǵa bolatyn oń ózgerister qajettigin eskertkeni belgili. «Biz kez kelgen máseleni ashyq aıtyp, ony sheshýdiń ońtaıly joldaryn birge izdeýimiz qajet. Ekonomıkadaǵy, saıasattaǵy jasandy monopolıalardy túbirimen joıýǵa tıispiz. Onyń ornyna ashyq ári ádil báseke ornatý óte mańyzdy. Sebebi, naǵyz báseke bolǵanda ǵana halyqtyń ál-aýqaty artyp, jaǵdaıy jaqsarady», – dedi Prezıdent.
Olaı bolsa, jańarý men jańǵyrý reformalarynan, jalpyhalyqtyq referendýmnan eshkim shettep qalmaı, árkim Jańa Qazaqstannyń dáýirleýi úshin belsene jumylǵany kerek. El taǵdyry men eldiktiń abyroı-bedeli jolyndaǵy amanatqa adaldyq – kıeli paryz desek, árbir azamat bul mańyzdy máselege áleýmettik jaýapkershilikpen qaraǵany abzal.