Qazaqstannyń birqatar óńirinde qolaısyz aýa raıyna baılanysty oqýshylar birinshi aýysymdaǵy sabaqty qashyqtan oqıtyn boldy, dep habarlaıdy Almaty-akshamy.kz.
Abaı oblysynda 9 qańtar kúni Semeı jáne Kýrchatov qalalarynda, Besqaraǵaı, Aıagóz aýdandarynda birinshi aýysymnyń 1-11 synyp oqýshylary jáne kolej stýdentteri onlaın bilim alady. Qalǵan aýdandarda sabaq ádettegideı oflaın rejımde ótedi.
Shyǵys Qazaqstannyń Glýbokoe aýdanynda 0-11 synyp oqýshylary úıde qalady.
Qostanaı oblysynda oblys ortalyǵy men Rýdnyıda, Amangeldi, Jangeldın, Jitiqara aýdandarynda balalar mektepke barmaıdy.
Sonymen qatar Pavlodar, Soltústik Qazaqstan jáne Ulytaý oblystarynda 35 gradýs aıazǵa baılanysty 0-11 synyp oqýshylary jáne kolejdiń 1,2 kýrs stýdentteri qashyqtan oqıdy.
Eske sala keteıik, keshe Astanada 9-synypqa deıingi oqýshylar onlaın formatqa aýysatyny habarlanǵan.