Baýyrlas Ózbekstanda basty mereke – Táýelsizdik kúni atalyp ótilýde
Bıyl respýblıka egemendigin alǵanynyń 30 jyldyq mereıtoıyn toılap jatyr, dep habarlaıdy Almaty-akshamy.kz QazAqparat saıtyna silteme jasap.
Atalǵan merekelik is-sharalar búkil respýblıka boıynsha ótýde. Olardyń eń aýqymdylary Tashkentte. Merekege oraılastyrylǵan is-sharalar «Jańa Ózbekstan» jańa saıabaǵynda ótti. Ol respýblıka mereıtoıyna arnaıy jasalǵan. Saıabaq aǵashtyń bes butaǵy ispetti, ol Ózbekstannyń damý strategıalarynyń baǵyttaryn bildiredi. Saıabaqtyń janynda Ózbekstan Táýelsizdiginiń 30 jyldyǵyna arnap «Istıklol» (Táýelsizdik) kesheni turǵyzylǵan.
Ol – ózbek halqynyń 3 000 jyldyq tarıhı beınesi, ulttyq sana men Ózbekstannyń jańa kelbetiniń kórinisi. El Prezıdenti Shavkat Mırzıóev barlyq ózbekstandyqtardy merekemen quttyqtady.
«1991 jyldyń 31 tamyzy respýblıka taǵdyry úshin sheshýshi bolǵan uly tarıhı oqıǵa boldy. Bolashaqqa árqashan senimmen, úlken úmitpen qaraǵan bizdiń halqymyz óziniń kóp ǵasyrlyq armanyna jetti – táýelsizdigin aldy.Biz birinshi ret Táýelsizdik kúnin osy saıabaqta atap ótip otyrmyz. Oǵan «Iangı Ýzbeksıton» ataýy berildi. Shyn júrekten halyqty merekemen quttyqtaımyn jáne izgi tilekterimdi bildiremin», - dedi Shavkat Mırzıóev.
Saltanatty is-sharalardyń sharyqtaý shegi otshashý boldy. 2021 jyly qıyn epıdemıologıalyq ahýalǵa baılanysty sharalardyń kóbi onlaın ótedi. Keıbir konsertter karantın sharalaryn saqtaı otyryp, aldyn ala jazylyp jatyr.
Uıymdastyrýshylar bul jaǵdaıdyń demalys sapasy men azamattardyń merekelik kóńil-kúıine áser etpeıtinine úmittenedi.
Aıta keteıik, Ózbekstan Respýblıkasynyń Táýelsizdik kúni 1991 jylǵy 31 tamyzda memlekettik táýelsizdikti jarıalaý qurmetine jyl saıyn 1 qyrkúıekte toılanady.