«Almaty – Táýelsizdiktiń altyn besigi» konserti
Táýelsizdiktiń 30 jyldyq mereıtoıyna arnalǵan konsertke qatysqan tirek-qımyl apparaty buzylǵan balalarǵa arnalǵan №2 mamandandyrylǵan túzetý mektep-ınternatynyń dırektory Baqyt Ermekova óz áserimen bólisti.
«Osy ınternatta 1988 jyldan bastap jumys isteımin, muǵalim laýazymynan bastadym. Búgingi eńbek qyzmetiniń bastalýyn eske túsire otyryp, buryn tirek-qımyl apparaty buzylǵan balalar bilimmen az qamtylǵan, úıde kóp bolǵan, biraq qazir táýelsiz elde balalardyń ózderin júzege asyrýy úshin barlyq jaǵdaılar jasalýda dep aıta alamyn. Bizdiń mektepte balalar tek oqyp qana qoımaı, sportpen de aınalysady, bizdi Qazaqstan fýtbol federasıasy qoldaıdy, balalar da júzýmen aınalysady. Bizge jergilikti atqarýshy organdar qoldaý kórsetedi, sonyń arqasynda balalar ózderin shekteýli dep sanamaıdy. Búgin biz gúldengen memlekette ómir súrip jatyrmyz. Almatynyń barlyq turǵyndaryn Táýelsizdik kúnimen quttyqtaımyn! Ár túrli, ádemi konsert úshin, bizdiń merekemizge jaqsy kóńil-kúı syılaǵan keremet oryndaýshylar úshin úlken rahmet»,-dedi mektep dırektory.