Qońyraýlar BJZQ qyzmetkerlerinen túspeıtinin eskertedi
Biryńǵaı jınaqtaýshy zeınetaqy qory jańa alaıaqtyq ádisi týraly aıtty. Atap aıtqanda, belgisiz tulǵalar ózin "BJZQ" qyzmetkerimin dep tanystyryp, salymshynyń zeınetaqy shotyn ashý úshin qandaı da bir banktik shotty toltyrýdy suraıdy eken, dep habarlaıdy Almaty-akshamy.kz.
Qońyraý shalýshylardyń aıtýynsha, zeınetaqy shoty sot isin júrgizý úshin ótemaqy tóleý boıynsha sheteldik bankterden tólemder qabyldaý úshin qoldanylady. Eger siz aqsha aýdarýdan bas tartsańyz, zeınetaqy shoty buǵattalyp qalady-mys.
«BJZQ mundaı qońyraýlar BJZQ qyzmetkerlerinen túspeıtinin eskertedi jáne mundaı qońyraýlar túsken jaǵdaıda áńgimeni toqtatýdy suraıdy», - delingen BJZQ habarlamasynda.
Qor myna zań tarmaqtaryn eske saldy:
"Qazaqstan Respýblıkasynda zeınetaqymen qamsyzdandyrý týraly" Qazaqstan Respýblıkasy Zańynyń (budan ári – Zań) 50-babynyń 3-tarmaǵyna sáıkes, salymshynyń (alýshynyń) boryshtary boıynsha zeınetaqy jınaqtaryna tyıym salýǵa nemese óndirip alýǵa jol berilmeıdi.
"Atqarýshylyq is júrgizý jáne sot oryndaýshylarynyń mártebesi týraly" Qazaqstan Respýblıkasy Zańynyń 98-baby 14tarmaǵyna sáıkes, salymshynyń (alýshynyń) boryshtary boıynsha zeınetaqy jınaqtarynan óndirip alýǵa bolmaıdy.
«Osylaısha sot oryndaýshysynyń nemese kez kelgen úshinshi tulǵanyń sizdiń jeke zeınetaqy shotyńyzdaǵy zeınetaqy jınaqtarynan óndirip alýy múmkin emes. Sizdiń jeke zeınetaqy shotyńyz eshqandaı jaǵdaıda buǵattalmaıdy», - dep jazdy BJZQ AQ.