Qazaqstandyq fýtzalshy qurlyqtyq dodada barlyǵy 7 gol soqty
Fýtzaldan 2022 jylǵy Eýropa chempıonatynda qazaqstandyq Birjan Orazov úzdik surmergen atandy, dep habarlaıdy Almaty-akshamy.kz QazAqparatqa silteme jasap.
Qazaqstandyq fýtzalshy qurlyqtyq dodada barlyǵy 7 gol soqty. Ol ózi qatysqan barlyq kezdesýde «qanjyǵasyn maılady».
Aldymen toptyq kezeńde Slovenıamen kezdesýinde bir márte qaqpany dál kózdese, odan keıin Fınlándıa, Italıa qaqpashylaryn eki márte qapy qaldyrdy. Shırek fınalda Ýkraınamen oıynda da eki márte dáldigimen kózge tústi.
Ekinshi oryndy reseılik Anton Sokolov aldy. Onyń enshisinde alty gol bar. Surmergender sapynda reseılikter - Artóm Antoshkın men Ivan Chıshkala bes-besten gol soqsa, taǵy bir qazaqstandyq Dýglas Jýnıor tórt goldyń avtory atandy.
Eske salsaq, bıylǵy qurlyqtyq dodada Qazaqstan quramasy da básekege tústi. V tobynda baq synaǵan otandastarymyz alǵashqy oıynda Slovenıamen (4:4) teń túsip, odan keıin Fınlándıany (6:2) jáne Italıany 4:1 esebimen tize búktirdi. Nátıjesinde 7 upaımen birinshi oryndy jeńip aldy. Al shırek fınalda Ýkraınaǵa 3:5 esebimen jol berdi.
Aıta ketsek, bıylǵy Eýropa chempıony ataǵyn Portýgalıa jeńip aldy. Ekinshi oryn Reseıge buıyrsa, úzdik úshtikti Ispanıa túıindedi.