QR Bilim jáne ǵylym mınıstrligi ekige bólinip, QR Oqý-aǵartý mınıstrligi jáne QR Ǵylym jáne joǵary bilim mınıstrligi quryldy. Tıisti Jarlyqqa Memleket basshysy qol qoıdy, dep habarlaıdy Almaty-akshamy.kz Inform.kz-ke silteme jasap. Almaty aqshamy qujat mátinin oqyrman nazaryna usynady.
*** Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly
Qazaqstan Respýblıkasy Konstıtýsıasynyń 44-babynyń 3) tarmaqshasyna sáıkes memlekettik basqarý júıesin jańǵyrtý jáne tıimdiligin arttyrý maqsatynda
QAÝLY ETEMİN:
1. Qazaqstan Respýblıkasynyń Bilim jáne ǵylym mınıstrligi: Qazaqstan Respýblıkasy Bilim jáne ǵylym mınıstrliginiń mektepke deıingi, orta, tehnıkalyq jáne kásiptik, orta bilimnen keıingi bilim berý, qosymsha bilim berý, balalardyń quqyqtaryn qorǵaý, mektepke deıingi, orta, tehnıkalyq jáne kásiptik, orta bilimnen keıingi bilim berý salasyndaǵy sapany qamtamasyz etý, mektepke deıingi, orta, tehnıkalyq jáne kásiptik bilim berýdi sıfrlandyrý salasyndaǵy fýnksıalary men ókilettikteri berile otyryp, Qazaqstan Respýblıkasynyń Oqý-aǵartý mınıstrligine; Qazaqstan Respýblıkasy Bilim jáne ǵylym mınıstrliginiń joǵary jáne joǵary oqý ornynan keıingi bilim berý, til saıasaty, ǵylym, joǵary jáne joǵary oqý ornynan keıingi bilim berý men ǵylym salasyndaǵy sapany qamtamasyz etý, joǵary jáne joǵary oqý ornynan keıingi bilim berýdi sıfrlandyrý salasyndaǵy fýnksıalary men ókilettikteri berile otyryp, Qazaqstan Respýblıkasynyń Ǵylym jáne joǵary bilim mınıstrligine bólý arqyly qaıta uıymdastyrylsyn.
2. Memlekettik organdar beriletin fýnksıalar men ókilettikterge sáıkes qaıta uıymdastyrylatyn memlekettik organnyń quqyqtary men mindettemeleriniń quqyqtyq mırasqorlary bolyp belgilensin.
3. Qazaqstan Respýblıkasynyń Úkimeti: 1) qaıta uıymdastyrylatyn memlekettik organnyń shtat sanyn Qazaqstan Respýblıkasy Prezıdentiniń Ákimshiligimen kelisim boıynsha qaıta bólýdi; 2) osy Jarlyqty iske asyrý jóninde ózge de sharalar qabyldaýdy qamtamasyz etsin.
4. «Qazaqstan Respýblıkasy Úkimetiniń qurylymy týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 6 Jarlyǵyna mynadaı ózgeris pen tolyqtyrýlar engizilsin: 1-tarmaq mynadaı mazmundaǵy joldarmen tolyqtyrylsyn: «Qazaqstan Respýblıkasynyń Oqý-aǵartý mınıstrligi; Qazaqstan Respýblıkasynyń Ǵylym jáne joǵary bilim mınıstrligi;»; «Qazaqstan Respýblıkasynyń Bilim jáne ǵylym mınıstrligi;» degen jol alyp tastalsyn.
5. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
6. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2022 jylǵy 11 maýsym
№ 917