Otandyq tehnıkaǵa suranys artty
Jeńildetilgen lızıń baǵdarlamasymen alǵashqy aýyl sharýashylyǵy tehnıkasyn Qostanaı oblysynyń fermerleri aldy, dep habarlaıdy Almaty-akshamy.kz QazAqparat-qa silteme jasap.
Qazaqstanda jasalǵan aýyl sharýashylyǵy tehnıkasyn jeńildikpen lızıńke berý baǵdarlamasyna ótinim qabyldaý bıylǵy 5 tamyzda bastalǵan bolatyn. Baǵdarlamany iske asyrý úshin shamamen 1 myń dana traktor, kombaın jáne ózge de tehnıkany satyp alýǵa 40 mlrd teńge bólindi.
Baǵdarlamanyń sharttary:
• lızıń merzimi – 10 jylǵa deıin;
• syıaqy mólsherlemesi – jyldyq 6%;
• lızıń boıynsha bastapqy jarna – 0%;
• negizgi qaryzdy qaıtarý boıynsha jeńildikti kezeń – 1 jyl.
Baǵdarlamanyń tıimdi sharttary otandyq tehnıkaǵa úlken suranys týdyrdy. Búgingi tańda 15,4 mlrd somasyna aýyl sharýashylyǵy taýar óndirýshilerinen 202 ótinim tústi.
«Bul óte jaqsy baǵdarlama, sharttary yńǵaıly, bastapqy tólemsiz berý fermerler úshin úlken kómek. Osy baǵdarlamanyń arqasynda sıpattamasy jaǵynan jaqsy «Kıroves» jańa traktoryn satyp alý múmkindigine ıe boldyq», — dedi «Maıbasov Z.M» sharýa qojalyǵynyń ókili.