Asa iri mólsherde senip tapsyrylǵan múlikti zańsyz ıemdendi nemese jymqyrdy degen kúdikpen "Temirjolsý-Mańǵystaý" JSHS-niń burynǵy bas esepshisi ustaldy, dep habarlaıdy Almaty-akshamy.kz Zakon.kz-ke silteme jasap.
QMA Mańǵystaý oblysy boıynsha departamentimen mekemeniń burynǵy bas esepshisi kvazımemlekettik sektor qyzmetkeri bola tura, 2021 jylǵy jeltoqsan men 2023 jylǵy mamyr aralyǵynda salyq tóleý jeleýimen tólem qujattaryna jalǵan aqparaty engizý arqyly jeke tulǵalardyń esep-shottaryna Seriktestik qarajatyn aýdaryp, keıinnen ózine qaıtaryp alǵany anyqtaldy.
Mekemeden zańsyz ıemdenip alǵan qarajatty ol jeke qajetttilikterine jumsaǵan.
Bas esepshiniń qylmystyq áreketteriniń saldarynan Seriktestikke asa iri mólsherde 225 mln teńgeden astam somaǵa materıaldyq shyǵyn keltirilgen.
Tergeý áreketteri jalǵasýda. QR QPK 201-babynyń talaptaryna sáıkes tergeý múddesinde ózge aqparat jarıa etilýge jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.